Самарқандда ижарага берилган 1,3 млрд сўмлик бино бузилиб, қурилиш материаллари сотиб юборилди

Мазкур ҳолат юзасидан Жиноят кодексининг 167-моддаси билан жиноят иши қўзғатилиб, тергов ҳаракатлари ўтказилмоқда.

Самарқанд вилояти Қўшработ туманида ижарага берилган бино-иншоотни бузиб, қурилиш материалларини сотган МЧЖ раҳбари аниқланди.

Қайд этилишича, Бош прокуратура ҳузуридаги департаментнинг Қўшработ туман бўлими томонидан терговга қадар текширув ўтказилган.

Текширувда «Қ.Г.» МЧЖ раҳбари Д.Б. тумандаги «Қўралос» қишлоғида жойлашган Самарқанд вилоят «Кичик саноат зоналарини бошқариш бўйича ягона дирекцияси» балансида бўлган бино-иншоотни ижарага олиб, ўзига ишониб топширилган умумий баҳоси 1,3 миллиард сўмлик мулкни бузгани ва қурилиш материалларини сотиб юборгани аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

NOVA24 Instagramʼda. Obuna boʻling
Asosiy yangiliklar va qiziqarli videolar