Salqin va ba’zi joylarda yomg‘ir: 2-oktyabr uchun ob-havo

2-oktyabr kuni O‘zbekistonda havo harorati pasayishi kutilmoqda, ba’zi joylarda yomg‘ir yog‘adi, ayrim hududlarda chang-to‘zon bilan kuchli shamol esishi mumkin, deya xabar berdi O‘zgidromet.

Toshkentda kechasi va ertalab yomgʻir yogʻadi. Kunduzi yogʻingarchilik boʻlmaydi. G‘arbiy shamol 3-8 m/s tezlikda esadi. Kechasi 9-11^°, kunduzi 18-20^° iliq bo‘ladi.

Hududlarda ob-havo quyidagicha bo‘ladi:

• Qoraqalpog‘iston va Xorazmda biroz bulutli, yog‘ingarchilik bo‘lmaydi. G‘arbiy shamol tezligida 7-12 m/s. Harorat kechasi 4-9^° iliq, kunduzi 13-18^° iliq;
• Buxoro va Navoiy viloyatlarida havo o‘zgaruvchan bulutli, yog‘ingarchilik kutilmaydi. G‘arbdan esayotgan shamol tezligi sekundiga 7-12 metr, ayrim joylarda 13-18 metrgacha kuchayishi mumkin. Havo harorati kechasi 8-13^°, kunduzi 18-23^° atrofida; Navoiy viloyatining shimolida kechasi 5-10^°, kunduzi 13-18^° bo‘ladi.
• Toshkent viloyati, Samarqand, Jizzax va Sirdaryoda ayrim joylarda yomg‘ir yog‘adi. G‘arbdan esayotgan shamol tezligi 7-12 m/s, ba’zi hududlarda 13-18 m/s gacha kuchayishi mumkin. Harorat kechasi 8-13^°, kunduzi 18-23^° bo‘ladi.
• Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik bo‘lmaydi. Shamol g‘arbdan 7-12 m/s tezlikda esadi. Harorat kechasi 10-15^°, kunduzi 22-27^° bo‘ladi.
• Farg‘ona vodiysi viloyatlarida ba’zi joylarda yomg‘ir yog‘adi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi. Harorat kechasi 10-15^°, kunduzi 18-23^° bo‘ladi.
• Tog‘oldi va tog‘li hududlarda ayrim joylarda yomg‘ir yog‘adi, baland tog‘larda qorga aylanishi mumkin. G‘arbdan esayotgan shamolning tezligi 7-12 m/s, ba’zi joylarda 13-18 m/s gacha kuchayishi ehtimoli bor. Harorat kechasi 5-10^°, kunduzi 8-13^° bo‘ladi.