Rossiyadagi YTHda 5 nafar o‘zbekistonlik halok bo‘ldi

Rossiya Ulyanovsk viloyatida yuz bergan ayanchli YTHda 5 nafar O‘zbekiston fuqarosi vafot etdi.

17 dekabr ertalab Ulyanovsk viloyatidan o‘tadigan federal trassaning 209-kilometrida O‘zbekiston fuqarolari ishtirokida YTH sodir bo‘ldi. Ichida o‘zbekistonliklar bo‘lgan Cobalt avtomobili MAZ avtomobili bilan to‘qnashgan.

Dastlabki ma’lumotlarga ko‘ra, Cobalt haydovchisi boshqaruvni yo‘qotgan va qarama-qarshi yo‘nalishga chiqib ketgan. O‘gir yuk mashinasi bilan to‘qnashuv oqibatida Cobalt deyarli majaqlanib ketgan. Uning ichidagi 5 nafar yo‘lovchilarning barchasi vafot etgan. Yuk mashina haydovchisi jarohatlar bilan shifoxonaga yotqizilgan.

Qozon shahridagi O‘zbekiston Bosh konsulxonasi YTH oqibatida O‘zbekiston fuqarolari vafot etganini tasdiqladi. Bosh konsulxona hozirda halok bo‘lganlarni jasadlarni O‘zbekistonga qaytarish choralari ko‘rilayotganini ma’lum qildi.

Vafot etgan O‘zbekiston fuqarolari 20 yoshdan 49 yoshgacha bo‘lgan. Konsullik mazkur masala bo‘yicha Bosh konsulxonasi vakillari bilan quyidagi telefon raqamlar orqali bog‘lanish mumkinligini ma’lum qildi:

+7-843 526-55-63; +7-843 526-55-64; +7-843 526-55-65.

NOVA24 TikTokʼda. Obuna boʻling
Asosiy yangiliklar va qiziqarli videolar