Rossiyada qiyin ahvolda qolgan O‘zbekiston fuqarosi vatanga qaytarildi

Ishlash uchun Rossiyaga borib, patent va shaxsni tasdiqlovchi hujjatini yo‘qotib qo‘ygan o‘zbekistonlik vatanga qaytarildi.

Bosh konsulxona diplomatlari koʻmagida Sankt-Peterburg shahrida qiyin moliyaviy ahvolda qolgan oʻzbekistonlik oilasi bagʻriga qaytarildi.

Qayd etilishicha, Oʻzbekiston fuqarosi 2024-yil iyul oyida Rossiyaga vaqtincha ishlash maqsadida borgan. U Rossiya hududida qonuniy boʻlish uchun zarur boʻlgan patentini va shaxsini tasdiqlovchi hujjatini yoʻqotib qoʻygan. Shu bois tayinli ishga joylasha olmagan.

Soʻnggi kunlarda u kvartiraga toʻlov uchun pul yoʻqligi sababli koʻchada qolgan.

“Bosh konsulxona diplomatlari vatandoshimizning yashash joyini aniqlab, unga Oʻzbekistonga yetib olishi uchun zarur hujjatlarni rasmiylashtirishda yordam berdi. Shuningdek, yurtimizga qaytishi uchun aviachipta sotib olib berildi”, deyiladi xabarda.

NOVA24 TikTokʼda. Obuna boʻling
Asosiy yangiliklar va qiziqarli videolar