Rossiyada o‘zbekistonlik haydovchi urib yuborgan piyoda vafot etdi

Rossiyada 28 yoshli o‘zbekistonlik erkak mashinasida piyodani urib yubordi.

Rossiyaning Leningrad viloyatida 28 yoshli o‘zbekistonlik erkak mashinasida piyodani urib yubordi. Jabrlanuvchi voqea joyida halok bo‘ldi.

Hodisa 11 oktyabr kuni tunda Mini – Novinka avtomobil yo‘lining 1-kilometrida yuz bergan.

O‘zbekiston fuqarosi Chevrolet Cruze avtomobilida yo‘lning qatnov qismida 50 yoshli erkakni belgilangan piyodalar o‘tish joyidan tashqarida urib yuborgan.

Piyoda qoramtir rangli kiyimda, nur qaytaruvchi elementlarsiz bo‘lgan. U olgan tan jarohatlari oqibatida voqea joyida halok bo‘lgan.

Haydovchining so‘zlariga ko‘ra, avariyadan oldin piyoda qatnov qismining o‘rtasida bo‘lgan va uzoqdan ko‘rinmagan. Hodisa tafsilotlari politsiya tomonidan o‘rganilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar