Rossiyada hujjatlarini yo‘qotgan to‘rt kishi O‘zbekistonga qaytarildi

Fuqarolarning yashash joyida sodir bo‘lgan kuchli yong‘in natijasida ularning hujjatlari, shu jumladan, pasportlari yo‘qolgan.

Rossiyaning Tiva Respublikasi Oq Dovurak shahrida vaqtincha ishlayotgan to‘rt nafar O‘zbekiston fuqarosi vatanga qaytarildi. Bu haqda “Dunyo” AA xabar berdi.

Fuqarolarning yashash joyida sodir bo‘lgan kuchli yong‘in natijasida ularning hujjatlari, shu jumladan, pasportlari yo‘qolgan.

Diplomatlar tomonidan to‘rt nafar fuqaroning O‘zbekistonga qaytishi uchun guvohnoma va boshqa zarur hujjatlar rasmiylashtirildi.

Migratsiya agentligi vakolatxonasi tomonidan esa Novosibirsk—Toshkent yo‘nalishida parvoz qiladigan samolyotga chipta xarid qilindi. Ular 25-yanvar kuni Toshkentga kuzatib qo‘yildi.

NOVA24 Telegramʼda. Obuna boʻling
Tezkor xabarlar va asosiy voqealar