Rossiya, Qozog‘iston va Ozarbayjon fuqarolari O‘zbekistonga xorijga chiqish pasportisiz kirishlari mumkin bo‘ladi
Hozir bunday tartib Qirg‘iziston bilan ikki tomonlama amal qilmoqda.
Rossiya, Qozog‘iston va Ozarbayjon fuqarolari O‘zbekistonga 30 kunga xorijga chiqish pasportisiz kelishlari mumkin bo‘ladi, deyiladi prezident farmonida.
Prezident topshirig‘iga ko‘ra, O‘zbekiston Rossiya, Qozog‘iston va Ozarbayjon fuqarolarini 30 kungacha bo‘lgan muddatga ichki hujjat yoki ID-karta orqali, bolalarni esa “kinder” pasporti orqali mamlakatga kiritish imkoniyatini ko‘rib chiqmoqda.
Tashqi ishlar vazirligi uch oy muddatda uchta davlat bilan muzokaralarni boshlashi kerak. O‘zbekiston bilan 2023-yilda ID-kartalar orqali chegarani kesib o‘tish tartibini yo‘lga qo‘ygan birinchi davlat Qirg‘iziston bo‘ldi.
Bundan tashqari, Yevropa Ittifoqi mamlakatlari, Rossiya, Xitoy, Yaponiya, Koreya, Indoneziya, Malayziya va Fors ko‘rfazi arab mamlakatlari blogerlari va jurnalistlari uchun respublikaga sayyohlik yo‘nalishlarini ommalashtirish maqsadida yiliga ikki marta O‘zbekiston bo‘ylab bepul mediaturlar tashkil etiladi.
Eslatib o‘tamiz, O‘zbekiston fuqarolari uchun AQSHga viza olish osonlashtirilishi mumkin. Prezident muzokaralar tashabbusi bilan chiqish va AQSH fuqarolari uchun vizasiz rejimni ta’minlash bo‘yicha topshiriq bergan.
Izohlar