Rossiya qamoqxonalaridagi aksariyat o‘zbekistonliklar giyohvand moddalar bilan bog‘liq jinoyatlar uchun sudlangani ma’lum bo‘ldi
Qolganlari jinsiy zo‘ravonlik, qotillik, og‘ir tan jarohati yetkazish, o‘g‘irlik va firibgarlik uchun ham qamoqda.
Rossiya qamoqxonalaridagi O‘zbekiston fuqarolarining aksariyati giyohvand moddalar savdosi va ularni tashish bilan bog‘liq jinoyatlar uchun sudlangan, deb xabar bermoqda TIV matbuot xizmati.
Tashqi ishlar vazirligining Fuqarolik ishlari bo‘yicha konsullik-huquqiy masalalar departamenti boshlig‘i Munira Nizomovaning so‘zlariga ko‘ra, tegishli jinoyatlar bo‘yicha Rossiya qamoqxonalarida jazo muddatini o‘tayotgan o‘zbekistonliklar soni 60 foizni tashkil etadi. Ro‘yxatda keyingi o‘rinlarda quyidagi jinoyatlar turadi:
- jinsiy zo‘ravonlik – 12%;
- qotillik – 7%;
- sog‘liqqa og‘ir shikast yetkazish – 5%;
- o‘g‘rilik – 4%;
- firibgarlik – 3%.
Eslatib o‘tamiz, Rossiyada migrantlar uchun ijtimoiy nafaqalarni bekor qilish taklif qilingan edi. RLDP partiyasi muhojirlar uchun “bepul ijtimoiy xizmat”ni to‘xtatish va shu tariqa federal byudjetga yukni kamaytirish vaqti kelganini aytdi.
Izohlar