Raqobat qo‘mitasi Farg‘ona viloyati hokimidan o‘z qarorini bekor qilishni so‘ramoqda

Raqobatni rivojlantirish va iste’molchilar huquqlarini himoya qilish qo‘mitasi Farg‘ona viloyati hokimligiga ko‘rsatma xati yubordi.

Farg‘ona viloyati hokimi Xayrullo Bozorov viloyatning Quvasoy shahridagi barcha bog‘chalarga tayyor ovqat yetkazib berish huquqini hech qanday tanlov yoki tendersiz tadbirkorga tuhfa qilgani, hokimning bu haqdagi qarori jamoatchilikdan yashirilgani haqida xabarlar tarqalgandi.

Viloyat hokimligining izoh berishicha, Farg‘ona vodiysida keytering xizmatini ko‘rsatuvchi boshqa korxona yo‘qligi tufayli ham mazkur qo‘shma korxona 5 oylik muddatga sinov-tajriba uchun tanlab olingan.

Raqobat qo‘mitasining maʼlum qilishicha, Farg‘ona viloyati hokimligiga ko‘rsatma xati yuborildi.

Qo‘mita tomonidan ushbu holat o‘rganib chiqilib, “Raqobat to‘g‘risida”gi qonunning 22-moddasiga asosan, mahalliy davlat hokimiyati organiga taqiqlangan normalarni inobatga olgan holda hamda raqobat muhitini taʼminlash maqsadida qarorni bekor qilish va talablarni qayta ko‘rib chiqish yuzasidan ko‘rsatma xati yuborilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar