Quruq va nisbatan iliq: 9-noyabr uchun ob-havo

9 noyabr kuni O‘zbekistonda salqin ob-havo bo‘lishi kutilmoqda, yog‘ingarchilik kutilmaydi, deya xabar berdi O‘zgidromet.

Toshkentda shamol sharqdan 3-8 m/s tezlikda esadi. Harorat kechasi 1-3° iliq, kunduzi 14-16° iliq bo‘ladi.

Hududlarda ob-havo quyidagicha bo‘ladi:

• Qoraqalpog‘iston Respublikasi va Xorazm viloyatida shamol sharqdan 7-12 m/s tezlikda esadi. Havo harorati kechasi 2-7° sovuq, kunduzi 11-16° iliq bo‘ladi.
• Buxoro va Navoiyda sharqiy shamol 7-12 m/s tezlikda esadi. Havo harorati kechasi 3° sovuqdan 2° iliqgacha, kunduzi 12-17° iliq bo‘ladi.
• Toshkent, Samarqand, Jizzax va Sirdaryo viloyatlarida ba’zi joylarga tuman tushishi mumkin. Sharqdan 7-12 m/s tezlikda shamol esadi. Harorat kechasi 2° sovuq-3° iliq, kunduzi 12-17° iliq bo‘ladi.
• Qashqadaryo va Surxondaryoda shamol sharqdan 7-12 m/s tezlikda esadi. Harorat kechasi 2-7° issiq, kunduzi 15-20° issiq bo‘ladi.
• Farg‘ona vodiysi viloyatlarida ba’zi joylarga tuman tushishi mumkin. Sharqdan 5-10 m/s tezlikda shamol esadi. Harorat kechasi 2° sovuq-3° iliq, kunduzi 10-15° iliq bo‘ladi.

Tog‘oldi va tog‘li hududlarda sharqiy shamol 7-12 m/s tezlikda esadi. Harorat kechasi 3° sovuqdan 2° iliqgacha, kunduzi 8-13° iliq bo‘ladi.

Avvalroq dam olish kunlari o‘zbekistonliklar sovuqdan keyin isinishi haqida xabar berilgandi. O‘zbekiston hududidan sovuq havo massasining chekinishi boshlandi.