Qozog‘istondagi o‘zbekistonliklar ogohlantirildi

Ayni kunlarda “Qazgidromet” tomonidan Qozogʻiston hududlarida boʻron haqida ogohlantirish eʻlon qilingan.

Qozogʻiston Respublikasidagi yoki ushbu mamlakat hududi orqali tranzit oʻtayotgan Oʻzbekiston fuqarolari mintaqada ob-havo sharoitining keskin yomonlashishi munosabati bilan harakatlanishda yuzaga kelishi mumkin boʻlgan qiyinchiliklar haqida ogohlantirildi. Bu haqda Oʻzbekistonning Qozogʻistondagi elchixonasi xabar berdi.

“Qazgidromet” maʻlumotlariga koʻra, kecha, 21-yanvar kuni soat 20:00 dan ertaga, 23-yanvar kuni soat 20:00 gacha Qozogʻiston hududlarida boʻron haqida ogohlantirish eʻlon qilingan.

22-yanvar kuni Oqmoʻla viloyatida qor yogʻishi kutilmoqda. Viloyatning janubi va sharqida tuman tushadi. Shimoli-gʻarbiy shamol hududning gʻarbiy, shimoli-sharqidan 15-20 m/s tezlikda esadi, vaqti-vaqti bilan 23-28 m/s tezlikda esadi. Kechasi havo harorati 20-25 darajagacha, viloyat sharqida 17 darajagacha sovuqqa tushishi kutilmoqda.

Qoʻstanay viloyatining shimol, janub va sharqida qor yogʻib, boʻron boʻlishi kutilmoqda. Viloyat gʻarbida tuman tushadi. Shimoli-gʻarbiy shamol hududning gʻarbiy, shimoli-sharqidan 15-20 m/s tezlikda esadi, vaqti-vaqti bilan 23-28 m/s tezlikda esadi. Kechasi havo harorati 23-28 darajagacha, janub va sharqda 20 darajagacha sovuqqa tushishi kutilmoqda.

Shimoliy Qozogʻiston viloyatida qor yogʻishi, viloyat shimoli va sharqida kuchli qor yogʻishi kutilmoqda. Shimoli-gʻarbiy shamol hududning gʻarbiy, shimoli-sharqidan 15-20 m/s tezlikda esadi, vaqti-vaqti bilan 23-28 m/s tezlikda esadi. Kechasi havo harorati 25-30 darajagacha, viloyat janubida 20 darajagacha sovuqqacha tushishi kutilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar