Qo‘shtepa kanali 5 yildan keyin to‘liq ishga tushadi

Ayni paytda kanal qurilishining ikkinchi bosqichi 58 foizga yakunlangan.

Qo‘shtepa kanali qurilishining ikkinchi bosqichi 58 foizga yakunlangan. Bu haqda “Qo‘shtepa kanalini rivojlantirish” milliy kompaniyasi vakili Said Zabihulla Miri ma’lum qildi.

Ta’kidlanishicha, ayni paytda qurilishga 3,5 ming kishi va 3 ming texnika jalb qilingan. Kanalni 5 yildan keyin ishga tushurish rejalashtirilgan.

Ma’lumot uchun, “Tolibon” hukumati 2022 yil mart oyidan boshlab Balx viloyatida ulkan Qo‘shtepa kanalini qurishni boshladi. Yangi kanalning uzunligi 285 km, eni 100 metr, chuqurligi 8,5 metr bo‘lishi ko‘zda tutilgan. Kanal qurilishidan maqsad – Balx, Jauzjon va Faryob viloyatlaridagi 3 million jyerib (1 jyerib – 2000 kvadrat metr) yerni sug‘orish va 250 mingga yaqin aholini ish bilan ta’minlash hisoblanadi.

NOVA24 YouTubeʼda. Obuna boʻling
Asosiy yangiliklar va qiziqarli videolar