Qo‘qonda bir guruh shaxslar ko‘p yillik chinorni arralab, qochib ketdi

Ushbu holat yuzasidan tegishli tashkilot xodimlari ishtirokida kuzatuv dalolatnomasi tuzilib, o‘simlik dunyosiga yetkazilgan 117 million so‘m zarar hisoblandi.

Farg‘ona viloyati Qo‘qon shahrida bir guruh shaxslar tomonidan ko‘p yillik chinor arralab tashlangani haqida xabarlar tarqaldi.

Ma’lum bo‘lishicha, viloyat Ekologiya, atrof-muhitni muhofaza qilish va iqlim o‘zgarishi boshqarmasi Qo‘qon shahar bo‘limi inspektorlari tomonidan o‘rganish ishlari olib borilgan.

Shunda “Zilol” MFY A.T.Xo‘qandiy mavzesidagi 53-ko‘p qavatli uylar oldida noma’lum shaxslar 1 tup ko‘p yillik chinor daraxtini qasddan tag qismidan yarim qismigacha arralab qochib ketgani ma’lum bo‘lgan.

Ushbu holat yuzasidan tegishli tashkilot xodimlari ishtirokida kuzatuv dalolatnomasi tuzilib, o‘simlik dunyosiga yetkazilgan 117 million so‘m zarar hisoblandi. To‘plangan hujjatlar Qo‘qon shahar prokuraturasiga yuborildi.

NOVA24 Telegramʼda. Obuna boʻling
Tezkor xabarlar va asosiy voqealar