Qashqadaryoda o‘nlab noyob daraxtlar noqonuniy kesildi

Qashqadaryo viloyatida huquq-tartibot idoralari xodimlari tomonidan noyob daraxt turlarini noqonuniy kesish va shikastlantirish holatlari qayd etildi, deb xabar bermoqda viloyat Ekologiya boshqarmasi matbuot xizmati.

Ma’lumotlarga ko‘ra, zarar Dehqonobod tumanida qayd etilgan. Tartib posbonlari aniqlashicha, jinoyatchilar 17 tup daraxtni, shu jumladan, muhofaza qilinadigan turlarga mansub “Zarafshon archasi” va “Uchkat”ni kesib tashlagan. Bundan tashqari, “Zarafshon archasi“ning yana 14 tup daraxti jiddiy shikastlangan.

Natijada atrof-muhitga yetkazilgan zarar, mutaxassislarning hisob-kitoblariga ko‘ra, 122 million so‘mdan ortiqni tashkil etdi. Ta’kidlanishicha, hozirda huquq-tartibot idoralari xodimlari tomonidan tergov tadbirlari o‘tkazilmoqda, uning yakunlari bo‘yicha aybdorlarning xatti-harakatlariga huquqiy baho beriladi.

Avvalroq Murod Nazarov daraxtlarni yo‘q qilish bo‘yicha tekshiruvdan o‘tkazilishi xabar qilingandi. Ekologiya vazirligi tadbirkorning daraxtlarni kesishga moratoriyni bekor qilish haqidagi g‘oyalarini rad etib, uni “ijodkorona” yondashuv deb atadi.