Qashqadaryoda haydovchi YPX xodimlari bilan mushtlashdi — video

Erkak qoʻlga olinib, jinoyat ishi qoʻzgʻatilgan.

14-aprel kuni ijtimoiy tarmoqlarda YPX xodimi va haydovchining mushtlashuvi aks etgan video tarqaldi. Ichki ishlar vazirligi holatga izoh berdi.

Maʼlum boʻlishicha, janjal Qashqadaryo viloyatida sodir boʻlgan. Haydovchi yoʻl harakati qoidalarini buzgan, uni toʻxtatmoqchi boʻlgan YPX xodimlarining talabiga boʻysunmagan va qochishga uringan, biroq huquq-tartibot idoralari xodimlari uni toʻxtatib, mashinadan chiqarib olgan, bu esa erkakka yoqmagan va u janjalni qoʻzgʻatgan.

Haydovchi tavba qilganini aytib, bundan keyin bunday qilmaslikka vaʼda bergan. Holat yuzasidan Jinoyat kodeksining 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik koʻrsatish) bilan jinoyat ishi qoʻzgʻatilib, qamoqqa olingan. Endilikda haydovchi uch yilgacha ozodlikni cheklash bilan jazolanishi mumkin. Tergov harakatlari olib borilmoqda.

NOVA24 Telegramʼda. Obuna boʻling
Tezkor xabarlar va asosiy voqealar