Qashqadaryoda elektrdan noqonuniy foydalangan fermer xo‘jaliklari aniqlandi

Qashqadaryo viloyatida suv nasoslarini o‘zboshimchalik bilan tarmoqqa ulab, lektr energiyasidan noqonuniy foydalangan fermer xo‘jaliklari aniqlandi.

Qashqadaryo viloyatining Koson hamda Qamashi tumanlarida suv nasoslarini o‘zboshimchalik bilan tarmoqqa ulab, energiya resurslariga noqonuniy foydalanish holatlari aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Maʼlum qilinishicha, Koson tumanidagi “B.I.” fermer xo‘jaligi rahbari A.F. hamda Qamashi tumanidagi “P.S.” fermer xo‘jaligi rahbari S.P. xo‘jalikning elektr suv nasoslarini tijorat maqsadida tarmoqqa o‘zboshimchalik bilan ulab, jami 349,2 mln so‘mlik elektr energiyasidan noqonuniy foydalanganliklari aniqlangan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar