Qarzdor xonadon sabab butun uy issiqlik ta’minotidan uzilishi rad etildi

Issiqlikni barqaror hamda uzluksiz ta’minlash maqsadida barcha chora-tadbirlar ko‘rilayotgani ta’kidlandi.

Koʻp kvartirali uy xonadonlaridan birining isitish tizimidan qarzi mavjudligi sababli, butun turar-joy binosida issiqlik taʼminotining oʻchirilishi haqida tarqalayotgan maʼlumotlar yolgʻon. Bu haqda Toshkent shahrini issiqlik energiyasi bilan taʼminlovchi Veolia Energy kompaniyasi xabar berdi.

“Qoʻshnilarning qarzi tufayli koʻp kvartirali uyda kommunal xizmatlarning oʻchirilishi haqidagi xabar haqiqatga toʻgʻri kelmaydi”, deyiladi xabarda.

Kompaniya kommunal xizmatlar sifatiga boʻlgan eʼtiborni yuqori baholashini, issiqlikni barqaror hamda uzluksiz taʼminlash maqsadida barcha chora-tadbirlarni koʻrayotganini taʼkidlagan.

NOVA24 TikTokʼda. Obuna boʻling
Asosiy yangiliklar va qiziqarli videolar