Qamchiq dovonidagi zaxira yo‘lda 2 kishi qor ostida qolib, vafot etdi

Ma’lum qilinishicha, hodisa yuz bergan hudud zaxira yo‘l bo‘lib, u faqat maxsus texnikalar harakatlanishi uchun mo‘ljallangan.

Qamchiq dovonidagi zaxira yo‘lning taqiqlangan qismiga sayohat qilgan guruhning ikki aʼzosi qor uyumi ostida qolib, vafot etdi. Bu haqda Kun.uz xabar berdi.

Qayd etilishicha, hodisa kecha, 8-yanvar kuni sodir bo‘lgan. Toshkent-Andijon-O‘sh avtomobil yo‘lining 141-kilometrida sayr qilayotgan 8 kishidan iborat guruhning 31 yoshli aʼzosi selfi qilayotgan vaqtda yiqilib tushgan. Unga yordam berish uchun yana bir sherigi pastga tushgach, ularni bir necha metrlik qor uyumi bosib qolgan. Oqibatda fuqarolar vafot etgan.

FVV qutqaruvchilari guruhdagilarining chaqiruvidan so‘ng darhol yetib borgan. Hozirda jasadlar olib chiqilgan.

Ma’lum qilinishicha, hodisa yuz bergan hudud zaxira yo‘l bo‘lib, u faqat maxsus texnikalar harakatlanishi uchun mo‘ljallangan.

NOVA24 Instagramʼda. Obuna boʻling
Asosiy yangiliklar va qiziqarli videolar