Qamchiq dovonida miniven zovurga tushib ketdi — video

FVV xodimlari haydovchini qutqarib, uning avtomobilini maxsus texnika yordamida chiqarib olgan.

1-aprel kuni Qamchiq dovonida Honda haydovchisi boshqaruvni yoʻqotib, ariqqa tushib ketdi, deb xabar bermoqda FVV matbuot xizmati.

Hodisa “Toshkent – Vodiy” yoʻlining A-373 “Toshkent – Oʻsh” avtomobil yoʻlining “Qamchiq” dovoni qismida sodir boʻlgan. Honda miniveni haydovchisi boshqaruvni yoʻqotib, yoʻl chetidagi toʻsiqqa urilgan va ariqqa tushib ketgan.

Voqea joyiga zudlik bilan qutqaruv otryadi va YHXB xodimlari yetib borib, maxsus texnika va vositalar yordamida avtomobilni xavfsiz joyga olib chiqqan. Mashinada haydovchining oʻzi bor edi. Hodisa oqibatida hech kim jabrlanmagan.

NOVA24 TikTokʼda. Obuna boʻling
Asosiy yangiliklar va qiziqarli videolar