Prezident Mustaqillik bayrami munosabati bilan yuzlab mahbuslarni afv etdi
Prokuratura organlari va tegishli idoralar ozod etilganlarni yashash joylariga jo‘natishni tashkil etdi.
Shavkat Mirziyoyev O‘zbekiston mustaqilligining 34 yilligi munosabati bilan 523 nafar mahkumni afv etdi, deb xabar berdi “O‘zbekiston 24” telekanali.
Shundan 195 nafari jazodan to‘liq ozod etildi, 147 nafari jazoni o‘tashdan muddatidan ilgari shartli ozod qilindi, 87 nafarining ozodlikdan mahrum etish jazosi yengilroq jazo bilan almashtirildi. Shuningdek, 94 nafar shaxsga tayinlangan ozodlikdan mahrum etish jazosining muddatlari qisqartirilmoqda.
Afv etilganlarning 8 nafarini chet el fuqarolari, 45 nafarini ayollar, 31 nafarini 60 yoshdan oshgan fuqarolar, 220 nafarini 30 yoshgacha bo‘lgan shaxslar (shu jumladan, 1 nafar voyaga yetmagan shaxs) hamda 15 nafarini taqiqlangan tashkilotlar faoliyatidagi ishtiroki uchun sudlangan shaxslar tashkil etadi.
Prokuratura organlari va tegishli idoralar tomonidan ozod qilinganlarni yashash joyiga, shuningdek, chet el fuqarolarini kelib chiqish mamlakatlariga deportatsiya qilish tashkil etildi.
Ozod qilinganlar profilaktik va probatsiya hisobiga qo‘yiladi. Ularga bir martalik moddiy yordam ko‘rsatiladi, zarur hollarda chuqurlashtirilgan tibbiy ko‘rik va davolanish, ishga joylashish, kredit va subsidiyalar olish, shuningdek, fuqarolik hujjatlari va pensiyalarni rasmiylashtirishda ko‘maklashiladi.
Izohlar