Poytaxtda chiqindi bilan bog‘liq 2000 dan ortiq qonunbuzarlik qayd etildi
Toshkent shahrida yil boshidan buyon chiqindi bilan bog‘liq 2000 dan ortiq huquqbuzarlik sodir etildi.
Ekologiya vazirligining xabar berishicha, Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi tuman inspektorlari tomonidan belgilanmagan joylarga chiqindi tashlashga qarshi doimiy nazorat tadbirlari olib borilmoqda.
Xususan, joriy yilda shu paytga qadar boshqarma tomonidan poytaxtda jami 2226 ta qonun buzilishi holati aniqlangan. Bulardan 2201 tasi jismoniy shaxslar, 25 tasi esa yuridik shaxslar tomonidan sodir etilgan.
Huquqbuzarliklar yuzasidan Ma’muriy javobgarlik to‘g‘risidagi kodeksning tegishli moddalariga ko‘ra bayonnomalar rasmiylashtirilgan. Qonunbuzarlarga nisbatan jami 994 million 650 ming so‘m miqdorida jarima belgilangan.
Bundan tashqari, fuqarolarga belgilanmagan joylarga chiqindi tashlamaslik kerakligi, bu atrof-muhitning ifloslanishiga sabab bo‘lishi, chiqindilar uzoq muddat chirimasdan ekologiyaga zarar keltirishi va chiqindini duch kelgan joyga tashlash qonunchilikka ko‘ra javobgarlikka sabab bo‘lishi borasida tushuntirish ishlari olib borilmoqda.
Мавзуга оид хабарлар:
O‘zbekistonda elektromobil sotuvlari nisbatan pasaydi Toshkentda uchta mashina ishtirokida YTH sodir bo‘ldi Toshkentda 6 000 litr etil spirti isteʼmolga kiritilishining oldi olindi Toshkentdagi mebel sexida yongʻin yuz berdi Toshkentdagi ko‘chalardan birida avtomobillar harakati qariyb 1 oyga cheklanadi