Poytaxt bozorlarida patta narxlari oshirildi

Toshkent shahar hokimining tegishli qarori bilan poytaxt bozorlarida patta narxlari oshirildi.

Toshkent shahar hokimining “Toshkent shahridagi bozorlar va savdo komplekslarining ma‘muriyati tomonidan undirib olinadigan bir martalik yig‘imlar, ijara to‘lovlari va ko‘rsatiladigan xizmatlar qiymatining yangi miqdorlarini joriy etish to‘g‘risida”gi qarori qabul qilindi.

Poytaxt hududidagi bozorlardagi bir martalik yig‘imlar, Sergeli mashina bozori, O‘rikzor savdo kompleksida ko‘rsatiladigan xizmatlar uchun yig‘im va ijara to‘lovlari hamda inventarlar ijarasi uchun yangi to‘lov miqdorlari belgilandi.

Yangi patta narxlarining miqdori quyidagicha o‘zgardi (narxlar 1 o‘rin/1 kun uchun):

• ho‘l mevalar – 18 000 so‘m (avval 15 000 so‘m);
• sitrus va tropik mevalar – 39 000 so‘m (avval 32 000 so‘m);
• quruq mevalar – 40 000 so‘m (avval 33 000 so‘m);
• sut mahsulotlari – 15 000 so‘m (avval 18 000 so‘m);
• poliz mahsulotlari – 34 000 so‘m (avval 28 000 so‘m);
• go‘sht mahsulotlari – 42 000 so‘m (avval 35 000 so‘m).

NOVA24 YouTubeʼda. Obuna boʻling
Asosiy yangiliklar va qiziqarli videolar