Polshada YTHga uchragan O‘zbekiston fuqarosiga yordam ko‘rsatildi

U Krakov shahrida jiddiy avtofalokatga uchragan va qo‘li hamda oyog‘iga shoshilinch operatsiya zarur bo‘lgan.

O‘zbekistonning Polshadagi elchixonasining konsullik bo‘limi tomonidan Krakov shahrida jiddiy avtofalokatga uchragan va qo‘li hamda oyog‘iga shoshilinch operatsiya zarur bo‘lgan O‘zbekiston fuqarosiga tegishli yordam ko‘rsatildi.

Elchixonaning Telegram-kanalida ma’lum qilinishicha, fuqaroga tezroq vatanga qaytishi uchun barcha zarur hujjatlar rasmiylashtirildi.

«Chet elda bo‘lgan fuqarolarimizga yo‘llarda ehtiyotkor va ogoh bo‘lishni, shuningdek, bo‘lib turgan davlatning qonunlariga hurmat bilan munosabatda bo‘lishni tavsiya qilamiz», – deyiladi elchixona xabarida.

Har qanday favqulodda holatlarda O‘zbekistonning Polshadagi elchixonasining konsullik bo‘limiga murojaat qilish mumkin.

NOVA24 TikTokʼda. Obuna boʻling
Asosiy yangiliklar va qiziqarli videolar