OTMlarda to‘rt yil oldindan byudjet o‘rinlari kvotalari e’lon qilindi

18-iyul kuni Shavkat Mirziyoyev respublika oliy ta’lim muassasalarida bakalavr va magistrlar tayyorlash bo‘yicha davlat buyurtmasi parametrlarini tasdiqlash to‘g‘risidagi farmonni imzoladi.

Kelgusi to‘rt o‘quv yili uchun byudjet o‘rinlari kvotasi hisob-kitobi bajarildi.

Bakalavriat:

• 2025/2026 o‘quv yili uchun — 35,5 ming o‘rin;
• 2026/2027-yillarda — 36 mingdan ortiq o‘rin;
• 2027/2028-yillarda — qariyb 36,5 ming o‘rin;
• 2028/2029-yillarda — qariyb 36,8 ming o‘rin.

Magistratura:

• 2025/2026 o‘quv yili uchun — 9,9 mingdan ortiq o‘rin;
• 2026/2027-yillarda — 10,1 mingdan ortiq o‘rin;
• 2027/2028-yillarda — qariyb 10,5 ming o‘rin;
• 2028/2029-yillarda — qariyb 10,8 ming o‘rin.

Kelgusi o‘quv yilida Oliy ta’lim, fan va innovatsiyalar vazirligi tomonidan O‘zbekistonda faoliyat yuritayotgan xususiy va xorijiy oliy ta’lim muassasalari filiallarida o‘qish uchun 1300 ta grant ajratiladi. Shuningdek, 30 nafar o‘zbekistonlikning xorijda ta’lim olishi uchun davlat tomonidan to‘lov amalga oshiriladi. Bundan tashqari, davlat oliygohlarida xotin-qizlar uchun qo‘shimcha 4 mingta grant ajratiladi.

Avvalroq oliy ta’lim vaziri talabalarni pora evaziga o‘qishga qabul qilmaslikni so‘ragandi. Qo‘ng‘irotboy Sharipov Oliy ta’lim vazirligi korrupsiyaga qarshi murosasiz kurashish tarafdori ekanini ta’kidlagan. Qo‘ng‘irotboy Sharipov Oliy ta’lim vazirligi korrupsiyaga qarshi murosasiz kurashish tarafdori ekanini ta’kidladi.