Osiyo chempionatida g‘olib bo‘lgan para velosportchi Odina Hamdamovaga uy sovg‘a qilindi

Para velosportning shosse yo‘nalishi bo‘yicha Tailandda o‘tkazilgan Osiyo chempionatida 2 ta oltin medalni qo‘lga kiritgan sportchi Odina Hamdamovaga Farg‘onadan uy sovg‘a qilindi. Unga xonadon kalitini viloyat hokimi Xayrullo Bozorov topshirgan.

Osiyo chempionatida g‘olib bo‘lgan farg‘onalik para velosportchi Odina Hamdamovaga uy sovg‘a qilindi. Bu haqda viloyat hokimligi axborot xizmati xabar berdi.

Ma’lum qilinishicha, viloyat hokimi Xayrullo Bozorov velosportchiga Farg‘ona shahridagi “Yangi O‘zbekiston” massividan kvartira kalitini topshirgan.

Viloyat rahbari chempion qizni yutuqlari bilan tabriklab, matonati va irodasi bilan boshqalarga ibrat bo‘layotganini ta’kidlagan.

Hokim viloyat sportchilariga, xususan, Odinaxonga Olimpiya o‘yinlariga yo‘llanmalar kiritishni tilab, katta g‘alabalarga erishishiga umid bildirgan.

NOVA24 TikTokʼda. Obuna boʻling
Asosiy yangiliklar va qiziqarli videolar