Olmaliqda 19 yoshli haydovchi urib ketgan piyoda halok bo‘ldi

Toshkent viloyatida “peshexod”dan o‘tayotgan piyoda mashina urib ketishi oqibatida halok bo‘ldi.

Olmaliq shahrida inson o‘limi bilan bog‘liq YTH sodir bo‘ldi. Bu haqda Toshkent viloyati IIBB YHXB xabar berdi.

Ma’lum qilinishicha, YTH kecha tunda, soat 00:05 larda sodir bo‘lgan. Olmaliq shahrining Amir Temur ko‘chasida 2005 yilda tug‘ilgan O.Sh. Nexia mashinasini boshqarib ketayotib, tartibga solinmagan piyodalar o‘tish joyidan yo‘lni kesib o‘tayotgan 50 yoshli U.A.ni urib yuborgan.

YTH oqibatida piyoda voqea joyida vafot etgan. Holat yuzasidan tergovga qadar surishtiruv ishlari boshlangan.

NOVA24 Telegramʼda. Obuna boʻling
Tezkor xabarlar va asosiy voqealar