O‘zbekistonning Xitoy bilan vizasiz rejimi kuchga kirishi sanasi ma’lum bo‘ldi

O‘zbekiston fuqarolari 1-iyundan boshlab Xitoyga vizasiz tashrif buyurishi mumkin, deb xabar qildi mamlakat TIV matbuot xizmati.

Maʼlumotlarga koʻra, tomonlar Oʻzbekiston va Xitoy oʻrtasida vizani oʻzaro bekor qilish toʻgʻrisidagi hukumatlararo bitimning kuchga kirishi boʻyicha davlat ichidagi protseduralarni yakunlagan.

Mazkur xalqaro shartnoma qoidalariga muvofiq, kelishuv 2025-yil 1-iyundan kuchga kiradi. Bitim O‘zbekiston va Xitoy fuqarolarining ikki davlat hududlariga vizasiz kirishi bilan bog‘liq masalalarni tartibga soladi.

Bitimga ko‘ra, tomonlar fuqarolari har bir bo‘lish uchun 30 kundan ortiq bo‘lmagan muddatga va har qanday 180 kunlik muddat ichida umumiy 90 kundan ortiq bo‘lmagan muddatga ikki davlat hududiga kirish, chiqish yoki tranzit o‘tkazish uchun vizasiz talablardan ozod qilinadi.

Bundan tashqari, har bir ishtirokchi-davlatlar hududiga kirish va bo’lish muddati 30 kundan oshmasligi kerak. Agar fuqarolar 30 kundan ortiq qolishlari kerak bo’lsa, ular kirish vizasini oldindan olishlari kerak.

Vizasiz rejim boshqa tomonning vakolatli organlarining oldindan roziligini talab qiladigan ish, oʻqish, ommaviy axborot vositalari faoliyati yoki boshqa faoliyat turlariga tatbiq etilmaydi. Ushbu kelishuv Xitoy Xalq Respublikasining Gonkong va Makao maxsus ma’muriy hududlariga tashriflarga taalluqli emas.