Oʻzbekistonning Kiprdagi birinchi elchisi tayinlandi

Abat Fayzullayev Oʻzbekistonning Kiprdagi birinchi elchisi etib tayinlandi

“Dunyo” agentligining maʼlum qilinishicha, elchi Kipr Prezidenti Nikos Xristodulidisga ishonch yorliqlarini topshirgan.

Kipr Prezidenti xorijiy diplomatlardan ishonch yorliqlarini qabul qilish marosimidagi nutqida yangi elchilarni samimiy qutlab, ularga oʻz vazifalarni amalga oshirishda muvaffaqiyatlar tilagan. Shuningdek, u Oʻzbekiston bilan munosabatlar istiqbollariga ham alohida toʻxtalib oʻtgan.

“Oʻzbekiston bilan ikki tomonlama, shuningdek Yevropa Ittifoqi doirasidagi hamkorlik aloqalarini rivojlantirishga alohida eʼtibor qaratamiz” dedi Kipr yetakchisi.

Maʼlumot uchun, Oʻzbekiston va Kipr oʻrtasidagi diplomatik munosabatlar 1997-yilning 30-mayida oʻrnatilgan.

NOVA24 TikTokʼda. Obuna boʻling
Asosiy yangiliklar va qiziqarli videolar