O‘zbekistonni yil davomidagi eng kuchli magnit bo‘roni qoplashi mumkin
Mutaxassislar ma’lumotlariga ko‘ra, olti balli geomagnit bo‘roni kutilmoqda.
7-noyabr kuni kutilayotgan magnit bo‘roni 2025-yilda eng kuchli bo‘lishi mumkin, deyiladi Kosmik tadqiqotlar instituti Quyosh astronomiyasi laboratoriyasi ma’lumotida.
Olimlar Quyoshdan chiqarilgan plazma bulutlari harakatining birinchi modelini yaratdilar. Geomagnit faollikning dastlabki prognozi. Hozircha prognoz 6-noyabrga o‘tar kechasi sodir bo‘lgan so‘nggi, eng kuchli chiqindini hisobga olmaydi va kun davomida kuchayish tomonga qayta hisoblanadi.
Grafiklar nimani ko‘rsatishidan qat’i nazar, Yer 7 noyabr kuni yilning eng kuchli va so‘nggi bir necha yil ichidagi eng kuchli geomagnit bo‘ronini boshdan kechirishi kutilmoqda. Plazma harakati modeli 2024-yil 11-12-may kunlari sodir bo‘lgan yuqori darajadagi G5 magnit bo‘ronidan oldingi holatga juda o‘xshaydi.
O‘shanda Yerga bir vaqtning o‘zida rekord darajadagi yagona tuzilmaga to‘plangan bir nechta chiqindilar kelgan. Ma’lum qilinishicha, hatto tungi chiqindilarni hisobga olmaganda ham, 7-noyabr uchun prognoz G3-G4 darajasidagi bo‘ronlarni, ya’ni kuchli va juda kuchli bo‘ronlarni ko‘rsatmoqda. Olimlar kutganidek, qayta hisoblashda bu diapazon G4-G5 oralig‘iga o‘tadi.
Bundan tashqari, Meteonova prognoziga ko‘ra, O‘zbekistonda quyosh zarbalarining kuchi 6 ballni tashkil etadi. Shkala bo‘yicha quvvat “qizil” darajaga — geomagnit bo‘ronga yetadi. 8-noyabrga kelib zarbalar kuchi 4 ballgacha pasayadi, quvvat esa “to‘q sariq” darajada qoladi.
Izohlar