O‘zbekistonni magnit bo‘roni qoplaydi
Eng kuchli qo‘zg‘alishlar ertalab sodir bo‘lishi kutilmoqda.
Meteonova ma’lumotlariga ko‘ra, 4-oktyabr kuni O‘zbekistonda “to‘q sariq darajadagi” magnit bo‘roni bo‘lishi kutilmoqda.
Ma’lumotlarga ko‘ra, geomagnit g‘alayonlar kuchi 4 ballni tashkil etadi. Geozarbalar soat 08:00 da bo‘lishi kutilmoqda, shundan so‘ng ko‘rsatkich 3 ballgacha pasayadi. 5-oktyabrga kelib, bo‘ron intensivligi 2-3 ballgacha pasayadi.
Mutaxassislarning ta’kidlashicha, magnit bo‘ronlarining ta’sirini yurak-qon tomir kasalliklari, asab tizimi kasalliklari, qandli diabet va bronxial astma bilan og‘rigan odamlar, bundan tashqari, ob-havoga sezgir va meteopatiya (ob-havo sharoiti tufayli og‘riq) alomatlarini boshdan kechirayotgan odamlar eng ko‘p his qilishadi.
Avvalroq sinoptiklar o‘zbekistonliklar eng quruq va issiq sentyabr oylaridan birini boshdan kechirganini ma’lum qilgan edi. Ayrim hududlarda yog‘ingarchilik oylik me’yordan oshib ketdi.
Izohlar