O‘zbekistonliklarga havo sifati keskin yomonlashganining sabablari tushuntirildi
Mutaxassislar ta’kidlaganidek, atmosfera holatidagi bunday vaziyat respublikaning barcha hududlarida yana bir necha kun davom etishi kutilmoqda.
16 va 17-noyabr kunlari Toshkent, Samarqand va Buxoroda havo sifati juda zararli ko‘rsatkichlargacha pasaydi. O‘zgidromet atmosfera ifloslanishining sababini tushuntirdi.
Atmosfera havosini avtomatik monitoring qilish stansiyalari ma’lumotlariga ko‘ra, soat 20:00 holatiga ko‘ra, Toshkent shahrining atmosfera havosida mayda dispers zarrachalar miqdori:
- PM10 373 mkg/m3 ni tashkil etib, ruxsat etilgan chegaraviy konsentratsiyadan 1,2 marta (300 mkg/m3);
- PM2,5 202 mkg/m3 ni tashkil etdi, bu ruxsat etilgan maksimal konsentratsiyadan (PDK) 3,4 baravar (60 mkg/m3) oshdi.
Mutaxassislarning ta’kidlashicha, haroratning o‘zgarishi ham ko‘rsatkichlarning oshishiga yordam bergan. Haroratning keskin o‘zgarishi inversiya jarayonini keltirib chiqaradi, bunda atmosferadagi mayda dispers zarrachalar cho‘kadi va ularning ko‘rsatkichlari oshadi.
Bunday ob-havo sharoiti respublikaning barcha hududlarida yana bir necha kun saqlanib turadi. Respublika aholisi va mehmonlaridan ehtiyotkorlik choralarini ko‘rishlarini so‘raymiz. Ochiq havoda bo‘lishni kamaytirish va ko‘chaga chiqqanda niqob taqish tavsiya etiladi, — deyiladi xabarda.
Eslatib o‘tamiz, 16-noyabr kuni kechga borib Toshkent havo sifati bo‘yicha dunyodagi eng yomon shaharlardan biriga aylandi. Poytaxt atmosferasidagi xavfli zarrachalar miqdori JSST tavsiya etgan me’yordan 30 barobar oshib ketdi.
Izohlar