O‘zbekistonliklar tog‘larda sel kelishi mumkinligidan ogohlantirildi

Sinoptiklar o‘zbekistonliklarni ob-havo yomonlashishi haqida zudlik bilan ogohlantirdi.

Ma’lumotlarga ko‘ra, 2025 yil 6-9 iyun kunlari kutilayotgan yomg‘irlar yog‘ishi sababli respublikaning ayrim hududlarida sel-suv toshqin hodisalari yuzaga kelishi mumkin. Shu munosabat bilan tog‘oldi va tog‘li hududlarda istiqomat qiluvchilar, dam oluvchilar va tog‘li hududlarga chiquvchi haydovchilardan ehtiyot bo‘lish so‘raldi.

Xavf quyidagi hududlarda e’lon qilindi:

• Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlarida;
• Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrabot tumanlarida;
• Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlarida;
• Navoiy viloyati: Xatirchi, Navbahor, Nurota, Konimex, Karmana tumanlarida;
• Jizzax viloyati: Zomin, Baxmal, G‘allaorol, Sharof Rashidov, Forish, Yangiobod tumanlarida;
• Toshkent viloyati: Ohangaron, Bo‘stonliq, Parkent, Piskent, O‘rta Chirchiq, Yuqori Chirchiq tumanlari va Angren, Olmaliq shaharlarida;
• Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
• Farg‘ona viloyati: So‘x, Shohimardon, Farg‘ona, Beshariq tumanlarida;
• Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jobod, Marhamat tumanlari va Xonobod shahrida.

Bundan tashqari, mutaxassislar mamlakatning ayrim hududlarida yomg‘ir suvlarining to‘planishi hududlarni suv bosishiga olib kelishi mumkinligidan ogohlantirdi.

Avvalroq o‘zbekistonliklarni salqin va uzoq dam olish kunlari kutayotgani xabar qilingandi. Hafta oxiriga kelib respublika hududiga nam havo massasi tarqala boshlaydi va yomg‘ir yog‘ishi mumkin.