O‘zbekistonliklar telefon firibgarligining yangi usuli haqida ogohlantirildi
Firibgarlar ATS nomidan pensionerlarga qo‘ng‘iroq qilib, go‘yoki raqamlarni almashtirish uchun pasport ma’lumotlarini talab qiladi.
O‘zbekistonda firibgarlikning yangi sxemasi qayd etildi. Pensionerlarga statsionar telefonlarga qo‘ng‘iroq qilinadi, o‘zlarini ATS xodimlari deb tanishtirishadi va raqamlarni ommaviy ravishda almashtirish bahonasida pasport ma’lumotlarini aytishni va hujjatlarni tayyorlashni talab qilishadi.
Keyin firibgarlar jabrlanuvchining yuzini suratga olish uchun uydan hujjatlar bilan chiqishni so‘rashadi. Olingan ma’lumotlardan bank ilovalarida identifikatsiyadan o‘tish va kreditlarni rasmiylashtirish uchun foydalanish mumkin.
“Потребитель” hamjamiyatining xabar berishicha, bunday qo‘ng‘iroqlarni allaqachon ko‘plab keksalar olgan. ATSning o‘zi hech qanday raqam almashtirish o‘tkazilmayotganini tasdiqladi.
O‘zbekistonliklar keksa qarindoshlarini xavf-xatarlar haqida ogohlantirishga va shaxsiy ma’lumotlarni noma’lum abonentlarga bermaslikka chaqirildi.
Avvalroq ijtimoiy tarmoqlarda taniqli brendlar nomidan 30 ming so‘mlik muzlatkich olish uchun so‘rovnomadan o‘tish kerak bo‘lgan aksiya haqida firibgarlik reklamasi paydo bo‘lgani haqida xabar berilgandi.
Izohlar