O‘zbekistonliklar endi o‘z-o‘ziga kredit olishni taqiqlashi mumkin
Chora firibgarlik va boshqa nomaqbul omillardan himoyalanishga yordam beradi.
O‘zbekistonda 6-iyundan boshlab “Kredit bitimini tuzish taqiqlangan jismoniy shaxslar to‘g‘risidagi ma’lumotlarni reyestrga kiritish yoki undan chiqarish to‘g‘risida”gi xizmat yo‘lga qo‘yildi.
Yangilik fuqarolarga o‘zlariga bildirmasdan kredit rasmiylashtiruvchi firibgarlardan himoyalanish imkonini beradi. Jismoniy shaxslar o‘zlariga bildirmasdan kredit bitimlarini tuzishni taqiqlash to‘g‘risidagi arizani kredit byurosiga murojaat qilgan holda bepul berishlari mumkin.
Ma’lum qilinishicha, kelgusida ushbu xizmat davlat xizmatlari markazi va YIDXPda paydo bo‘ladi. Ariza berish fuqaroni avtomatik ravishda maxsus reyestrga kiritadi. Barcha banklar, mikromoliya va kredit tashkilotlari har qanday kredit bitimini tuzishdan oldin mijozning ushbu ro‘yxatda mavjudligini tekshirishlari shart.
Eslatib o‘tamiz, O‘zbekistonda kredit bo‘yicha garovni olib qo‘yish shartlari o‘zgargandi. Yangi tartib qarzdorlik uch oydan ko‘p bo‘lmagan muddatga kechiktirilgan taqdirda ishlaydi.
Izohlar