Oʻzbekistonliklar elektr va gaz uchun oldindan toʻlovni amalga oshirishi va eski tariflarni uzaytirishi mumkin boʻladi

Kamaytirilgan toʻlov cheklangan vaqt davomida amal qiladi.

Oʻzbekistonda isteʼmolchilar oldindan toʻlovni amalga oshirganda elektr va gaz uchun amaldagi tariflarni 2 oyga uzaytirishlari mumkin, deyiladi amaldagi qonunchilikda.

Maʼlumotlarga koʻra, tarif oʻzgarganda isteʼmolchilar oldindan toʻlangan hajm uchun qoʻshimcha toʻlovdan ikki oydan koʻp boʻlmagan muddatga, boshqa isteʼmolchilar (shu jumladan, tadbirkorlar) bir oydan koʻp boʻlmagan muddatga ozod qilinadi. Bundan kelib chiqadiki, oʻzbekistonliklar oldindan toʻlovni amalga oshirishda 1-iyungacha oshirilgan tariflardan foydalanishi mumkin.

Biroq bu faqat ijtimoiy meʼyor doirasidagi isteʼmol hajmiga — 100 kub metr gaz va 200 kVt/soat elektr energiyasiga taalluqli boʻladi. Ushbu hajmlar oshib ketganda, ikki baravar miqdorda tarif qoʻllaniladi.

NOVA24 YouTubeʼda. Obuna boʻling
Asosiy yangiliklar va qiziqarli videolar