O‘zbekistonga pirotexnika vositalari olib ketayotgan yuk avtomobili to‘xtatildi

Holat tegishli tartibda rasmiylashtirilib, haydovchi va aniqlangan ashyolar Sirdaryo viloyati bojxona boshqarmasi xodimlariga topshirilgan.

“Chinor” YPX maskanida 9-noyabr kuni soat 18:30 larda pirotexnika vositalari olib ketayotgan yuk avtomobili to‘xtatildi. Bu haqda Yo‘l harakati xavfsizligi xizmati xabar berdi.

Maʼlum qilinishicha, haydovchi 1981-yilda tug‘ilgan A.N. boshqaruvidagi MAN yuk avtomobili to‘xtatilib tekshirildi.

Natijada, yukxonasida 36 ta “Volk”, 35 ta “Samarkand”, 48 tadan “Britanik” hamda “Treniya” va 38 ta “Solovey razboynik” nomli pirotexnika vositalari olib ketilayotgani aniqlangan.

Holat tegishli tartibda rasmiylashtirilib, haydovchi A.N. va aniqlangan pirotexnika vositalari Sirdaryo viloyati bojxona boshqarmasi xodimlariga topshirilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar