O‘zbekistondagi shifokorlar va tibbiyot oliygohlari bitiruvchilarining bilimini maxsus markaz baholaydi

O‘zbekistonda tibbiyot oliy o‘quv yurtlari bitiruvchilari bilimini baholash bo‘yicha maxsus markaz tashkil etiladi; Bu haqda davlat rahbari tibbiy xizmat sifatini oshirish, dori vositalaridan foydalanish va tibbiy taʼlimni takomillashtirish masalalariga bagʻishlangan yigʻilishda maʼlum qildi.

Maʼlumotlarga koʻra, soʻnggi yetti yilda mamlakatimizdagi tibbiyot oliy oʻquv yurtlariga qabul yiliga 25 ming kishiga koʻpaygan. Bundan tashqari, ularning 40 foizi xususiy oliy o’quv yurtlarida tahsil oladi. Shu bilan birga, mamlakatimizda bilim va ko‘nikmalarni baholashning shaffof tizimi hali yo‘lga qo‘yilmagani ta’kidlandi.

Shu munosabat bilan tibbiyot oliy o‘quv yurtlari va texnikumlar bitiruvchilarining diagnostika va davolashning zamonaviy usullarini qo‘llash bo‘yicha bilimlari shaffof tizim asosida baholana boshlaydi, buning uchun tibbiyot sohasini baholash milliy markazi tashkil etiladi, unda talabalar ham, amaliyotchi shifokorlar ham baholanadi.

Bundan tashqari, davlat va xususiy klinikalar akkreditatsiyadan o‘tishi kerak bo‘ladi. Shuningdek, oliy o‘quv yurtlari, ixtisoslashtirilgan markazlar va hududiy muassasalar zimmasiga mutaxassislarning malakasini oshirish vazifasi yuklanadi.

Avvalroq O‘zbekistonda ta’lim sifatiga bahoni mustaqil tuzilmaga bermoqchi ekani xabar qilingandi. Litsenziyalash tizimini xalqaro tajribadan kelib chiqqan holda ikki bosqichli qilish rejalashtirilgan.