O‘zbekistonda yashil maydonlarni betonlaganlik uchun jazo joriy etiladi
Fuqarolar va yuridik shaxslarning tabiatni muhofaza qilish sohasidagi javobgarligini oshirish ko‘zda tutilmoqda.
23-sentyabr kuni Oliy Majlis Qonunchilik palatasi atrof-muhit muhofazasini kuchaytirish to‘g‘risidagi qonun loyihasini qabul qildi.
Hujjat fuqarolar va yuridik shaxslarning tabiatni muhofaza qilish sohasidagi mas’uliyatini oshirishni nazarda tutadi. O‘rmon fondi yerlarini noqonuniy ajratganlik yoki qurganlik uchun sanksiyalar joriy etilmoqda. Shuningdek, ko‘p qavatli uy-joylar atrofidagi yashil maydonlarni o‘zboshimchalik bilan betonlash va ular o‘rnida inshootlar qurish uchun ham javobgarlik paydo bo‘ladi.
Shuningdek, avtomatik ekomonitoring stansiyalaridan olingan ma’lumotlar real vaqt rejimida geoaxborot ma’lumotlar bazasiga yuboriladi. Qonunning qabul qilinishi havo musaffoligini muhofaza qilish va ekologik vaziyatni yaxshilashga xizmat qiladi. Qonun Senat tomonidan ma’qullanishi va prezident tomonidan imzolanishi kerak.
Eslatib o‘tamiz, Toshkentda noqonuniy egallab olingan bolalar maydonchalari va yashil hududlar qaytarila boshlandi. Bosh prokuratura bu kabi yuzlab holatlarni aniqlagan.
Izohlar