O‘zbekistonda yangi ijtimoiy xizmatlar joriy etiladi
Rasmiylar “Faol hayotga qadam” dasturini ishga tushiradi.
O‘zbekistonda Prezident qaroriga asosan “Faol hayotga qadam” dasturi ishga tushiriladi.
Loyiha 2025-yil 1-iyundan ish boshlaydi.U doimiy g‘amxo‘rlik va qo‘llab-quvvatlashga muhtoj bo‘lgan voyaga yetgan fuqarolarni qo‘llab-quvvatlashga qaratilgan. Ushbu dastur doirasida beshta asosiy yo‘nalishni qamrab oluvchi bir qator yangi ijtimoiy xizmatlar joriy etiladi:
- uyda ijtimoiy va maishiy yordam;
- uyda parvarish qilish;
- tibbiy va ijtimoiy reabilitatsiya;
- kunduzgi parvarish;
- shaxsiy yordamchi xizmatlari.
Roʻyxatdagi xizmatlarni olish xarajatlarining bir qismi fuqarolarga vaucher tizimi orqali qoplanadi. Ularning qiymati hukumat tomonidan belgilangan miqdorda subsidiyalar hisobidan qoplanadi.
Yo‘llanmalar berish va tegishli ijtimoiy xizmatlar uchun haq to‘lash Yagona milliy ijtimoiy himoya axborot tizimiga integratsiyalashgan “Oilaviy sheriklik” platformasi orqali tashkil etiladi.
Avvalroq O‘zbekistonda har bir oila uchun qashshoqlikdan qutulish bo‘yicha rejalar ishlab chiqilishi xabar qilingandi. Prezident ijtimoiy ta’minot tizimini takomillashtirish bo‘yicha takliflar bilan tanishdi.
Izohlar