O‘zbekistonda teatr rivojiga qo‘shgan hissasi uchun yosh dramaturg va rejissyorlar taqdirlanadi

O‘zbekistonda iste’dodli dramaturglar va yosh rejissyorlar uchun yangi mukofotlar tasdiqlandi, deyiladi hukumat qarorida.

Ma’lumotlarga ko‘ra, hokimiyat ikki yilda bir marta laureatlarni aniqlash uchun tanlov o‘tkazishni rejalashtirmoqda. Mukofot bilan teatr sohasida faollik ko‘rsatayotgan, repertuarni dolzarb mavzulardagi spektakllar bilan boyitishga munosib hissa qo‘shayotganlar taqdirlanishi rejalashtirilgan. Nomzodlarni 1-fevralgacha taqdim etish mumkin bo‘ladi, shundan so‘ng 1-martgacha mutaxassislar g‘oliblarni aniqlaydi.

Iste’dodli dramaturglar uchun Mahmudxo‘ja Behbudiy, yosh va faol rejissyorlar uchun Bahodir Yo‘ldoshev nomidagi mukofotlar bo‘ladi. G‘oliblarga mukofot bilan birga BHMning 50 baravari (63,5 mln so‘m) miqdorida pul mukofoti, shuningdek diplom va haykalcha topshiriladi. Shuningdek, har yili Xalqaro teatr kuni — 27 mart arafasida sovrindorlar uchun tantanali marosim o‘tkaziladi.

Avvalroq O‘zbekiston va Sloveniya yosh ijodkorlar almashinuvi dasturlarini muhokama qilgani haqida xabar berilgandi. Shuningdek, tomonlar ikki mamlakatning ixtisoslashtirilgan ta’lim muassasalari o‘rtasida mahorat darslari va madaniy almashinuvlarni tashkil etishni rejalashtirmoqda.