O‘zbekistonda tarvuz narxi tushib ketdi
Mutaxassislar eksportning o‘sishini prognoz qilmoqda.
EastFruit ma’lumotlariga ko‘ra, O‘zbekistonda bir hafta ichida tarvuzning ulgurji narxlari uch baravar pasaygan.
Ma’lumotlarga ko‘ra, narxlar pasayishining asosiy sababi ichki bozorda mahsulot taklifi hajmining oshishi bo‘lgan. Shunday qilib, tarvuzning birinchi yirik partiyalari Toshkent ulgurji bozorlariga bir hafta oldin — 16 maydan 22 maygacha yetib keldi.
23-may holatiga ko‘ra, rezavor mevalarning ulgurji narxi 1 kg uchun 7000 so‘mni tashkil etib, 2021-yildan buyon shu davrdagi eng yuqori narx darajasi bo‘ldi. Shuningdek, 23-30 may kunlari o‘rtacha ulgurji narx 2,8 barobarga pasayib, 1 kg uchun 2500 so‘mni tashkil etdi va shu tariqa so‘nggi besh yil ichida narxlarning haftalik pasayish sur’ati bo‘yicha rekord o‘rnatdi.
Natijada may oyi oxiriga kelib tarvuzning ulgurji narxi 2024-yilning shu davri darajasidan ikki baravar past bo‘lib, 2023-yildagi ko‘rsatkichdan 25 foizga yuqori bo‘ldi. Qayd etilishicha, mavsum boshida mamlakatda tarvuz narxining keskin tushib ketishi tashqi bozorlarga eksport hajmini oshirishga xizmat qilgan.
Xususan, 2020-yildan buyon tarvuz yetkazib berish meva-sabzavot segmentida O‘zbekistonning asosiy eksport pozitsiyalaridan barqaror o‘rin egallab kelmoqda, 2023-yilda esa mamlakat tarvuz eksporti hajmi bo‘yicha rekord o‘rnatib, 104,7 ming tonnaga yetdi.
Mavzuga doir: O‘zbekistonda qaysi mahsulotlar qimmatlashdi? Tovarlar bilan birga xizmatlar narxi ham oshdi.
Izohlar