O‘zbekistonda “suyunchi puli” miqdori oshgani aytildi

1-oktyabrdan boshlab boshqa nafaqalar singari “suyunchi puli” miqdori ham oshgani maʼlum bo‘ldi.

Joriy yil 1-oktyabrdan farzand tug‘ilganda beriladigan bir martalik nafaqa puli (suyunchi puli) miqdori oshirilgan. Bu haqda Ijtimoiy himoya milliy agentligi xabar berdi.

Oktyabrdan O‘zbekistonda farzand tug‘ilganda beriladigan bir martalik nafaqa puli 738 150 so‘mdan 811 965 so‘mga oshirildi. Bu eng kam ish haqi miqdori ko‘tarilgani bilan bog‘liq.

Yaʼni 1-oktyabrdan mamlakatda mehnatga haq to‘lashning eng kam miqdori 1 155 000 so‘m etib belgilangan. “Suyunchi puli” miqdori shundan 70,3 foizini tashkil etadi.

NOVA24 Telegramʼda. Obuna boʻling
Tezkor xabarlar va asosiy voqealar