Oʻzbekistonda ob-havo yanada yomonlashadi

Sinoptiklar yomgʻir, kuchli shamol va momaqaldiroqni bashorat qilishmoqda.

Oʻzbekistonda dam olish kunlari yomgʻirli va iliq boʻladi. Oʻzgidromet ob-havo maʼlumotini eʼlon qilmoqda.

4-aprelda mamlakatning katta qismida quruq ob-havo saqlanib turadi. 4-aprel va 5-aprel kunlari kechga tomon baʼzi joylarda qisqa muddatli yomgʻir yogʻishi, momaqaldiroq boʻlishi mumkin.

Qoraqalpogʻistonda, Xorazm viloyatida bugun kunduzi baʼzi joylarda qisqa muddatli yomgʻir yogʻishi mumkin, ertaga 5-aprelda yogʻingarchilik kutilmaydi. 6-aprelda baʼzi joylarda yomgʻir yogʻadi, momaqaldiroq boʻlishi mumkin.

4-6-aprel kunlari harorat ancha yuqori boʻladi. Kunduzi havo 23-28 darajagacha, baʼzi joylarda 30 darajagacha isiydi. Shamol sharqdan 7-12 m/s tezlikda esadi, baʼzi joylarda 15-20 m/s gacha kuchayishi mumkin.

Toshkentda 4-aprel kuni kunduzi yogʻingarchilik boʻlmaydi, 4-aprel kuni kechga tomon, 5-aprel kuni kechasi va ertalab vaqti-vaqti bilan yomgʻir yogʻadi. 5-aprel kuni kunduzi biroz qisqa muddatli yomgʻir yogʻishi, momaqaldiroq boʻlishi mumkin. 6-aprel kuni kunning ikkinchi yarmida yomgʻir yogʻadi, momaqaldiroq boʻlishi mumkin.

Shamol 5-10 m/s tezlikda esadi, 4-aprelda kechga tomon 12-15 m/s gacha kuchayishi mumkin. Harorat 4-aprelda 28-30 daraja, 5-6-aprelda 23-26 daraja boʻladi. Kechasi 12-15 daraja iliq boʻladi.

NOVA24 Telegramʼda. Obuna boʻling
Tezkor xabarlar va asosiy voqealar