O‘zbekistonda minglab bolalar turli jinoyatlarning qurboni bo‘ldi
Ularning deyarli yarmi 12 yoshgacha bo‘lgan bolalardir.
2025-yilning birinchi yarmida O‘zbekistonda 2872 nafar voyaga yetmagan, ularning deyarli yarmi 12 yoshgacha bo‘lgan bolalar turli jinoyatlarning qurboni bo‘lgan, deb yozadi “Gazeta.uz” Ijtimoiy himoya milliy agentligi direktori Mansurbek Olloyorovga tayanib.
Idora vakilining so‘zlariga ko‘ra, bolalarning 42,7 foizi yoki 1225 nafari 12 yoshgacha bo‘lgan bolalardir. Mansurbek Olloyorov, shuningdek, mamlakatda bolalarga nisbatan zo‘ravonlik holatlari ko‘payib borayotganini ta’kidladi.
Jabrlanuvchilar ko‘pincha ayblanadi yoki sukut saqlashga majbur qilinadi. Aynan mana shu sukut saqlash madaniyatiga qarshi zo‘ravonlikka qarshi kurashgandek qat’iy kurashishimiz kerak, — dedi agentlik direktori.
Xususan, tahlillarga ko‘ra, ushbu davrda 1475 nafar bola ijtimoiy xavfi katta bo‘lmagan jinoyatlardan, 956 nafar voyaga yetmagan shaxs esa o‘rtacha og‘irlikdagi huquqbuzarliklardan jabr ko‘rgan. 284 nafar bola og‘ir, 157 nafari esa o‘ta og‘ir jinoyat qurboni bo‘lgan.
Shuningdek, Mansurbek Olloyorov agentlikning ishonch telefoniga murojaatlar soni 2024-yilga nisbatan uch barobarga oshgani va hozirda o‘sishda davom etayotganini ta’kidladi. Xususan, ishonch telefoniga kelib tushgan 340 ta murojaatning 159 tasi mutaxassislar tomonidan qonunchilik talablari asosida o‘rganilgan bo‘lsa, qolgan 181 tasiga turli psixologik va yuridik xizmatlar ko‘rsatildi.
Avvalroq Markaziy Osiyo davlatlari bolalarni birgalikda himoya qilishni boshlashi haqida xabar berilgan edi. Yevropa Ittifoqi va Markaziy Osiyoning bola huquqlari bo‘yicha vakillari Toshkentda forum o‘tkazdi.
Izohlar