O‘zbekistonda mahallalar reyestri paydo bo‘ladi
Mahallalar uyushmasi mas’ul organ etib belgilanadi.
O‘zbekistonda mahallalarning yagona reyestrini shakllantirish va yuritish tartibi to‘g‘risidagi nizom tasdiqlandi, deb yozadi Norma.
Ma’lumotlarga ko‘ra, tegishli hujjat quyidagi tartiblarni belgilaydi:
- mahalla to‘g‘risidagi ma’lumotlarni reyestr orqali elektron shaklda shakllantirish va yuritish;
- mahalla fuqarolar yig‘inini tashkil etish, qayta tashkil etish va (yoki) tugatishda reyestr ma’lumotlaridan foydalanish.
O‘zbekiston mahallalari uyushmasi reyestrni yuritish uchun mas’ul organ hisoblanadi. U “Raqamli mahalla” axborot tizimida shakllantiriladi va yuritiladi. Reyestr — davlat organlari va boshqa tashkilotlar bilan idoralararo elektron hamkorlik qilish uchun zarur bo‘lgan mahalla to‘g‘risidagi yagona axborot manbai.
2025-yil 1-noyabrga qadar mahallalarni auditdan o‘tkazish, 2025-yil 1-dekabrga qadar reyestrni to‘liq joriy etish rejalashtirilgan.
Avvalroq O‘zbekistonning ayrim mahallalarida IIB boshliqlari va prokurorlar uchun kabinetlar paydo bo‘lishi haqida xabar berilgandi.
Izohlar