27 Dekabr 2024, 15:56 Oʻzbekiston

O‘zbekistonda kungaboqar urug‘larini olib chiqishga qo‘yilgan taqiq bekor qilindi

Mazkur cheklovlar 2022-yilning may oyida prezident qarori bilan kiritilgandi.

O‘zbekistonda kungaboqar urug‘larini olib chiqishga qo‘yilgan taqiq bekor qilindi

24-dekabr kuni O‘zbekiston Vazirlar Mahkamasi kungaboqar urug‘ini yetishtiruvchilarning eksport salohiyatini qo‘llab-quvvatlash to‘g‘risidagi qarorni imzoladi, deya xabar bermoqda Adliya vazirligi.

Hujjatga ko‘ra, 20-dekabrdan boshlab barcha tadbirkorlarga tashkiliy-huquqiy shaklidan qat’i nazar, kungaboqar urug‘ini O‘zbekiston bojxona hududidan tashqariga olib chiqishga ruxsat berildi.

Qaror oq kungaboqar urug‘lari (TIF TN kodi 1206 00 990 0) va oq chiziqlar bilan kulrang qobiqdagi urug‘lar (TIF TN kodi 1206 00 910 0) uchun amal qiladi.

2022-yilning may oyida prezident qarori bilan kungaboqar va o‘simlik yog‘i, shuningdek, kungaboqar urug‘lari va boshqa yog‘li o‘simliklarni eksport qilishga cheklovlar kiritilgandi.

Mashhur yangiliklar