O‘zbekistonda kuchli magnit bo‘roni kutilmoqda
Surunkali kasalliklarga chalinganlarda sog‘liq bilan bog‘liq muammolar yuzaga kelishi mumkin.
Meteonova ma’lumotlariga ko‘ra, 6-sentyabr kuni O‘zbekistonda “to‘q sariq darajadagi” magnit bo‘roni bo‘ladi.
Ma’lumotlarga ko‘ra, geomagnit g‘alayonlar kuchi 5 ballni tashkil etadi. Geozarbalarning eng yuqori cho‘qqisi 08:00 va 11:00 ga to‘g‘ri keladi, kechga yaqin Quyoshning g‘alayonlari zaiflashadi.
Mutaxassislarning ta’kidlashicha, magnit bo‘ronlarining ta’sirini yurak-qon tomir kasalliklari, asab tizimi kasalliklari, qandli diabet va bronxial astma bilan og‘rigan odamlar, bundan tashqari, ob-havoga sezgir va meteopatiya (ob-havo sharoiti tufayli og‘riq) alomatlarini boshdan kechirayotgan odamlar eng ko‘p his qilishadi.
Eslatib o‘tamiz, 5-sentyabr kuni olimlar Quyoshda so‘nggi darajadan oldingi quvvat chaqnashini qayd etishgan edi. M1.4 chaqnashi Toshkent vaqti bilan 06:16 da qayd etilgan, uning davomiyligi 13 daqiqani tashkil etgan.
Izohlar