O‘zbekistonda kam uchraydigan kasalliklar davlat hisobidan ko‘proq davolanadi
2026-yildan bemorlar bepul tibbiy kuzatuv va davolanish imkoniyatiga ega bo‘ladi.
O‘zbekistonda kam uchraydigan, shuningdek, davosi davlat byudjeti hisobidan amalga oshiriladigan irsiy-genetik kasalliklar soni oshiriladi, deyiladi hukumat qarorida.
Ma’lumotlarga ko‘ra, rasmiylar 2026-2030 yillarda orfan kasalliklarga chalingan bolalarni qo‘llab-quvvatlash choralarini tashkil etish bo‘yicha chora-tadbirlar dasturini tasdiqlagan. Xususan, davlat byudjeti mablag‘lari hisobidan davolanadigan bunday kam uchraydigan va irsiy-genetik kasalliklar sonini 5 tadan 10 tagacha oshirish rejalashtirilgan.
Bundan tashqari, hukumat bunday bolalarni dori-darmon, maxsus oziq-ovqat, shuningdek, tibbiy texnika bilan ta’minlash darajasini 95 foizdan 99 foizga oshirmoqchi. Shuningdek, 2026-yil 1-yanvardan boshlab 18 yoshdan 21 yoshgacha bo‘lgan bemorlar bepul tibbiy kuzatuv va davolanish imkoniyatiga ega bo‘ladi.
O‘zbekistonda viloyatdagi birinchi bolalar onkologiyasi Akademik xab tashkil etilishi avvalroq ma’lum qilingandi. Davlat tomonidan 110 million dollar ajratiladi.
Izohlar