O‘zbekistonda ipoteka subsidiyalari uchun arizalar qabul qilish boshlanadi
Subsidiya olish uchun mulkda turar joy bo‘lmasligi kerak.
O‘zbekistonda 2-oktyabrdan ipoteka subsidiyalari uchun arizalar qabul qilish boshlanadi, deb xabar bermoqda Iqtisodiyot va moliya vazirligi matbuot xizmati.
Ma’lumotlarga ko‘ra, davlat xizmatlari markazlariga murojaat qilish, shuningdek, YIDXP portali yoki MyGov mobil ilovasi orqali elektron shaklda ariza topshirish mumkin. Subsidiya olish uchun ariza beruvchi va uning turmush o‘rtog‘i mulkida turar joy bo‘lmasligi kerak. Bundan tashqari, u ijtimoiy mezonlar asosida kamida 30 ball to‘plashi kerak.
Shu bilan birga, hukumat fuqarolarning quyidagi toifalariga ustuvor ahamiyat beradi:
- mehnat migrantlari;
- 30 yoshgacha bo‘lgan yoshlar;
- ajrashgan ayollar, yolg‘iz onalar, beva ayollar;
- olis hududlardagi tibbiyot xodimlari va mutaxassislari;
- texnikumlarning muhandislik, qurilish, ishlov berish tarmoqlari yo‘nalishlari bo‘yicha o‘qituvchilari;
- nogironligi bo‘lgan shaxslar.
Avvalroq O‘zbekistonda ipoteka OTB mablag‘lari hisobidan yanada arzonlashtirilishi haqida xabar berilgandi. Osiyo taraqqiyot banki 30 million dollarlik qarzni ma’qullagan.
Izohlar