O‘zbekistonda ilk sovuqlar qachon boshlanadi — O‘zgidromet ma’lumoti

Hafta davomida O‘zbekiston hududi bo‘yicha havo asosan biroz bulutli bo‘ladi, yog‘ingarchilik kutilmaydi. Dastlabki sovuqlar noyabr oyining boshidan boshlanishi kutilmoqda, deya xabar berdi O‘zgidromet.

Prognozga ko‘ra, 29-oktyabrdan 5-noyabrgacha harorat asta-sekin pasaya boshlaydi, ba’zi joylarda yog‘ingarchilik bo‘lishi mumkin, tog‘larda yomg‘ir qorga aylanadi. Sinoptiklar bashorat qilmoqda

• Qoraqalpog‘iston va Xorazm viloyatida – harorat kechasi 29-oktyabr — 2-noyabrda 3-8° iliqni tashkil etadi, 3-5 noyabrda 2° sovuq-3° iliqqacha pasayishi kutilmoqda. Kunduzi 29-31 oktyabrda 20-25°, 1-5 noyabrda 11-16° gacha pasayadi;
• Buxoro va Navoiy viloyatlarida — 29-31-oktyabr kunlari tunda harorat 6-11°, 1-5 noyabr kunlari 2-7° issiqgacha pasayadi. Kunduzi 29 oktyabrda 21-26°, 30 oktyabrda 23-28°, 31 oktyabr — 5 noyabr oralig‘ida 13-18° gacha pasayadi.
• Toshkent, Samarqand, Jizzax va Sirdaryo viloyatlarida 29-oktyabrdan 1-noyabrgacha tunlari harorat 8-13° iliq, 2-5-noyabrda esa 3-8° iliqqacha pasayadi. Kunduzi 29-31-oktyabrda 21-26°, 1-5-noyabrda esa 13-18° gacha pasayishi kutilmoqda.
• Qashqadaryo va Surxondaryo viloyatlarida tun harorati 29-oktyabrdan 1-noyabrgacha 8-13° issiq, 2-5-noyabrda esa 3-8° issiqlikkacha pasayadi. Kunduzgi harorat 29-30-oktyabrda 23-28° bo‘lib, 31-oktyabrdan 5-noyabrgacha 15-20° gacha pasayishi kutilmoqda.
• Andijon, Namangan va Farg‘ona viloyatlarida 29-oktyabrdan 1-noyabrgacha tungi harorat 6-11° iliq, 2-5-noyabrda esa 3-8° iliqqa pasayadi. Kunduzi 29-30-oktyabrda 18-23°, 31-oktyabrdan 5-noyabrgacha esa 13-18° gacha pasayishi kutilmoqda.
• Respublikaning tog‘ oldi va tog‘li hududlarida 29-oktyabr kuni ayrim joylarda yomg‘ir yog‘ishi, baland tog‘li hududlarda esa qorga aylanishi kutilmoqda. 30-oktyabrdan 5-noyabrgacha yog‘ingarchiliksiz bo‘ladi. Havo harorati kechasi 1-6° iliqdan 5-10° iliqqacha, kunduzi 8-13° iliqdan 13-18° iliqqacha o‘zgarib turadi.
• Toshkentda 29 oktyabr kuni havo harorati kunduzi 22-24° atrofida bo‘ladi. Hafta davomida harorat asta-sekin pasayib, kechasi 8-13°, kunduzi 13-18° gacha tushishi kutilmoqda.

Avvalroq Toshkentda qish oldidan asfalt-beton qoplamasini yangilashga qaror qilingani haqida xabar berilgan edi. Ishlar yo‘l harakatini to‘xtatmasdan amalga oshiriladi.